रूद्राष्टक (महाशिवरात्रि २०१५ )

नमामीशमीशान निर्वाण रूपं | विभुं व्यापकं ब्रह्म वेदस्वरूपं ||
निजं निर्गुणं निर्विकल्पं निरीहं | चिदाकाशमाकाशवासं भजेहं || 
निराकारमोंकारमूलं तुरीयं | गिरा ज्ञान गोतीतमीशं गिरीशं ||
करालं महाकाल कालं कृपालं | गुणागार संसारपारं नतोहं ||
तुषाराद्रि संकाश गौरं गम्भीरं | मनोभूत कोटिप्रभा श्री शरीरं |
स्फुरन्मौलि कल्लोलिनी चारु गंगा | लसद्भालबालेन्दु कण्ठे भुजंगा ||
चलत्कुण्डलं भ्रू सुनेत्रं विशालं | प्रसन्नानं नीलकण्ठं दयालं ||
मृगाधीशचर्माम्बरं मुण्डमालं | प्रियं शंकरं सर्वनाथं भजामि ||
प्रचण्डं प्रकृष्टं प्रगल्भं परेशं | अखण्डं अजंभानुकोटिप्रकाशम् ||
त्रयः शूल निर्मूलनं शूलपाणिं | भजेहं भवानीपतिं भावगम्यं ||
कालातीत कल्याण कल्पांतकारी | सदा सज्जनानन्ददाता पुरारी ||
चिदानंद सन्दोह मोहापहारी | प्रसीद प्रसीद प्रभो मन्मथारी ||
न यावद उमानाथ पादारविन्दं | भजंतीह लोके परे वा नराणाम् ||
न तावत्सुखं शांति सन्तापनाशं | प्रसीद प्रभो सर्वभूताधिवासं ||
न जानामि योगं जपं नैव पूजाम् | नतोहं सदा सर्वदा शंभु तुभ्यं ||
जरा जन्मदुःखौघ तातप्यमानं | प्रभो पाहि आपन्नमामीश शम्भो ||
रुद्राष्टकमिदं प्रोक्तं विप्रेणाहरतोषये |
ये पठंति नरा भक्त्या तेषां शंभु प्रसीदति ||